執筆時間約 5pm 7/4，BTC 已跌破本輪熊市底部，暫時最低見過約 $74.5K。亞洲股市亦呈現「黑色星期一」股災。
週末 BTC 其實挺硬淨，我昨日在 Threads 寫了這段：
點評論 BTC 響兩日美股股災期間相對強既表現？我唔會因為咁而覺得 BTC 一定可以看高一線，亦唔會因為咁覺得 BTC 一定要補跌。我係唔知。
專業 Trader 好重視數字，我自己有 trader 既思維，但無 trader 既能力，我係靠我自己個直覺，而點解我夠膽靠直覺？因為直覺其實係經驗累積下既產物。太遙遠既歷史我都只係靠後天去腦補，但由沙士至今既整段歷史，我就真係親身投入其中，自己個潛意識已建立左應付市況波動既機制。
我係信奉週期 - 拋物線上升後就係會有暴跌，去年既 memecoin 已係咁，今時今日既美股都係咁，黃金都必然會係咁。而暴跌後，係極低極低極低機會可以 V 型咁響短時間止跌再爆上創新高，而是要先響低位搞一輪上落，成交收窄，經過新一輪既收集階段，消磨市場意志後，先會再出現單邊大升市。
我個人強項係捉一個一兩年既升浪，而唔係短期交易機會，所以呢啲市係唔啱我玩。